A Asociación Galega de Xadrecistas (AGAX) organiza o luns 2 de novembro de 2026 os torneos Copa AGAX e Tódolos Santos. Disputaranse no Centro Comercial Los Rosales, na planta 1, na Coruña.
Este formato naceu en 2019, co gallo do 30 aniversario da AGAX. Combina unha copa por eliminatorias e un torneo por sistema suízo que se xogan ao mesmo tempo.
- Data: luns 2 de novembro de 2026
- Lugar: Centro Comercial Los Rosales, planta 1, A Coruña
- Participantes: máximo 32 xogadores
- Inscrición: gratuíta
Copa AGAX
A Copa AGAX xógase por eliminatorias a unha partida de armageddon. As brancas teñen 5 minutos e as negras 4; en caso de táboas, gañan as negras. O cadro e as cores sortéanse. As roldas intercálanse co torneo suízo (ver horario).
Premios: trofeo para o campión e o subcampión.
Torneo Tódolos Santos
O Torneo Tódolos Santos xógase por sistema suízo a 5 roldas, a un ritmo de 10 minutos con 2 segundos de incremento por xogada.
Premios: trofeo para os tres primeiros clasificados.
Horario
| Hora | Copa AGAX | Tódolos Santos |
|---|---|---|
| 17:30–17:45 | Presentación e sorteo | |
| 17:45 | Dezaseisavos de final | |
| 17:55 | 1ª rolda | |
| 18:20 | Oitavos de final | |
| 18:30 | 2ª rolda | |
| 18:55 | Cuartos de final | |
| 19:05 | 3ª rolda | |
| 19:30 | Semifinais | |
| 19:40 | 4ª rolda | |
| 20:05 | 5ª rolda | |
| 20:30 | Final | |
| 20:45 | Entrega de trofeos | |
Inscricións e normas
A inscrición é gratuíta e non é necesario ter licenza federativa. Faise só a través do formulario: https://forms.gle/CuBYWEKKnt1ESJiaA
- As prazas limítanse a 32 xogadores, por orde de inscrición.
- Os participantes autorizan a publicación dos seus datos persoais e de fotografías para a difusión do evento e dos resultados.
- A organización poderá modificar estas bases se o considera necesario para o bo desenvolvemento da proba.
Edición anterior: Torneos Copa AGAX e Tódolos Santos 2025
Ningún comentario:
Publicar un comentario